Blog
Сѐ за масажата на бебиња
Oct
Масажите на бебињата се често препорачана пракса за поврзување со нашето малечко. Со овој начин ќе им помогнеме на нашите најмили во подобрување на секојдневната благосостојба. Овие масажи се изведуваат со илјадници години во кинеската и хиндуистичката култура и доколку се практикуваат правилно тие може да овозможат повеќекратни придобивки за вашето бебе.
Дали сакате да знаете како да започнете? Тоа го објаснува нашиот експерт во оваа област Ноелија Планелс, акушерка во болницата La Fe, Валенсија.
Што е потребно да знаете пред да ја направите масажата?
„Првата работа е да се чувствувате удобно вие, вашето бебе и/или лицето кое ќе ја изврши масажата“, вели акушерката Ноелија Планелс. Од исклучителна важност се амбиенталните фактори како околината и температурата. Со цел бебето да се поврзе со нас ќе се обидеме да ги елиминираме сите аудитивни дразби. „Препорачувам да користите релаксирачка музика во позадина и мек, мирен тон на гласот“, вели Ноелија.
Целта на масажата е да го опушти бебето и да ја зајакне врската мајка-бебе, затоа важно е да го пронајдете вистинскиот момент, бидејќи масажата се прави за вашето бебе да ужива. Најголемиот дел од масажата се прави со бебето поставено на удобна и стабилна површина и поставено да лежи на грб.
Дали треба да користиме специфичен производ?
Пред да започнете со масажата внимавајте да истата ја спроведете со многу нежни, благи и внимателни движења. Ние од Laboratorios BABÉ препорачуваме да го пробате нашиот Emollient cream од педијатриската линија.
Чекори за масажа на вашето бебе:
- За почеток, погодно е да го ставиме бебето да лежи на грб со нашите раце внимателно поставени на трупот.
- Ако бебето е подготвено да ја започне масажата, се започнува со нозете, со движење од едниот кон другиот крај од ногата на бебето.
- Ногата треба да се држи за горниот дел од бутот, а со другата рака ќе го нежно се масира бутот со раката поставена во форма на буквата С. Движењето треба да го повторите неколку пати наизменично со двете раце кон долниот дел од ногата.
- Следниот чекор е масажа на стапалата. Стапалата се предел со голема чувствителност и потребно е да се следи како бебето ќе реагира на масажата на овој дел од телото.
- Откако ќе падне папочната врвца, може да се спроведе и техниката за масажа со кружни движења на абдоменот, движења во форма на буквата П околу абдоменот, како и движења на палците почнувајќи од папокот кон страничниот дел од трупот.
- Оваа масажа има многу придобивки во однос на варење на млекото, помага при констипација и помага во состојба на појава на грчеви кај доенчето.
- На истиот начин како што се масира абдоменот, истата техника се употребува за масажа на градниот кош, каде е потребно рацете да се поставени во вертикална положба во центарот на градниот кош со внимателни латерални движења (движења од центарот кон страничниот дел на градниот кош).
- Понатаму следи делот на лицето. Бидејќи бебињата се одлични цицачи и имаат постојана активност на периоралните мускули, внимателно масирајте ги образите со кружни движења.
- Масажата може да ја завршите со пределот на грбот со тоа што бебето ќе биде поставено на стомак со цел да му помогнеме во зајакнување на мускулите.
Не заборавајте дека масажата не е само рутина која ние ја правиме за бебето, туку дека истата ја правиме заедно со бебето, на тој начин се зајакнува емотивната поврзаност помеѓу мајката и бебето.
