BIONIKA HALSEPT 30ml спреј за уста и грло

ХАЛСЕПТ

спреј за уста и грло, раствор

медицинско средство

СОСТАВ

Левоментол, тимол, етерични масла од еукалиптус, жалфија, каранфилче и нане.
Останати состојки: полиоксил 40 хидрогенирано рицинусово масло, глицерол, пропилен гликол, сахарин-натриум дихидрат, еозин и прочистена вода.
ДЕЈСТВО

Дејството на ХАЛСЕПТ спреј за уста и грло се должи на карактеристиките на активните компоненти кои влегуваат во неговиот состав.
Комбинацијата на активните компоненти, кои содржат флавоноиди, танини, терпени и други ароматични соединенија, придонесува за антивоспалителното, антисептично и аналгетско дејство на медицинското средство.

Етеричното масло од нане, како и Левоментолот, аплицирани локално во усната празнина имаат противвоспалително дејство, локално благо ладејќи и намалувајќи ја болката.
Тимолот, благодарејќи на неговата фенолна структура покажува антибактериски и антифунгални својства.
Етеричното масло од еукалиптус покажува антибактериска и антифунгална активност и делува противвоспалително.
Етеричното масло од жалфија поседува адстрингентни и антисептични својства, со што го прави производот погоден за третирање на ранички и улцерации (афти) во усната шуплина, воспалителни и трауматски процеси на меките ткива, третман на гингивит и по стоматолошки интервенции како обработка на пародонтални џебови, третман на меки ткива, чистење на забен камен и орални хируршки интервенции.
Етеричното масло од каранфилче, содржи голема количина на еугенол кој делува противвоспалително и како локален аналгетик.

ХАЛСЕПТ спреј за уста и грло се препорачува и при воспалителни промени во грлото, поради своите антибактериски и антифунгални својства, делува антисептично, ја намалува болката при голтање и го олеснува дишењето.

ХАЛСЕПТ спреј за уста и грло се користи и во случаи на појава на непријатен здив од устата од разни причини.
НАЧИН НА УПОТРЕБА

При болки во грлото и отежнато голтање:
Веднаш реагирајте уште на првите знаци на непријатно чувство во грлото.
Две до три распрскувања во задниот дел од грлото на секои 3- 4 часа или по потреба за брзо да се уништат микроорганизмите и да се спречи инфекција.

За воспалителни појави во усната празнина:
Непријатни појави како крварење или пречувствителност на непцата, воспаление на непца (гингивитис) и воспаление на периодонтален лигамент (периодонтитис), афти, разни промени на јазикот и образите од различни причини и друго.
Две до три распрскувања 3- 4 пати на ден половина час по јадење. Прснете го заболеното место во усната празнина, почекајте 15 секунди, потоа проголтајте го растворот.

За лош здив:
Бактериите што се задржуваат на коренот од јазикот создаваат непријатен мирис наречен халитозис или лош здив.
Откако ќе ги исчеткате забите, внимателно исчеткајте го и коренот на јазикот за да ги отстраните бакериите. Потоа распрскајте два до три пати од Халсепт спрејот за уста и грло во усната празнина, почекајте 15 секунди и проголтајте го растворот. Повторете го ова по секој оброк.
НАПОМЕНА

Не се препорачува употреба кај деца помали од 4 години.
ПРЕДУПРЕДУВАЊЕ

ХАЛСЕПТ спреј за уста и грло не смеат да го користат лица алергични на било која од состојките на производот.
Да се чува надвор од дофат на деца.