Blog
Здрава храна за здрава насмевка
Feb
Пролетта и летото се годишни времиња кои не поттикнуваат на здрав живот со повеќе физичка активност и балансирана исхрана, бидејќи сакаме да се припремиме за топлите денови и уживањето на плажа. Сепак здравата исхрана не е значајна само за здраво тело туку и за здрава насмевка. Во продолжение прочитајте кои витамини и минерали се битни за здравјето на забите и непцата според американската Академија за општа дентална медицина и која храна да ја одбегнуваме.
Витамини и минерали
Калциум
Калциумот е најзастапен минерал во телото и е неопходен за развој на здрави коски и заби. Неговиот недостаток го зголемува ризикот од воспаление на непцата и кариес.
Производи кои содржат калциум: брокули, кинеска зелка, млеко и млечни производи, школки и смокви.
Железо
Недостатокот на железо може да предизвика глоситис: воспаление на јазикот и појава на ранички.
Производи кои содржат железо: црвено месо, џигер, житарици од цело зрно, црвена пиперка, темнозелен листест зеленчук и лешници.
Витамин B3 (ниацин)
Недостаток на витамин B3 може да предизвика непријатен здив и појава на афти во устата, но за среќа го има во многу производи и со тоа лесно може да се внесе во организмот со соодветна исхрана
Производи кои содржат витамин В3: пилешко месо, риба, јајца, авокадо, урми, домати, зелен листест зеленчук, брокули, алги, спирулина, ореви, интегрални житарици.
Витамин B12 i B2 (рибофлавин)
Афтите во устата настануваат како резултат на недостаток на два важни витамини (B12 i B2).
Производи кои содржат витамин B12 i B2: витамин B12 – црвено и пилешко месо, џигер, свинско месо, риба, млеко и млечни производи; витамин B2 – квасец, јајца, спанаќ, бадеми. Двата витамини ги содржи и алгата спирулина.
Витамин C
Недостаток на витамин C може да предизвика крварење на непцата и подоцна губиток на забите.
Производи кои содржат витамин C: јагоди, папаја, агруми, црвена пиперка, прокељ, брокули, грашок, зелка, компир.
Витамин D
Витаминот D е многу значаен бидејќи му помага на телото да го абсорбира калциумот. Човекот со изложеноста на сонце прима доволно витамин D, а неговиот недостаток може да се почувствува како пецкање во устата, горчлив вкус или вкус на метал и намалена цврстина на забите. Недостаток на витамин D може да ги направи забите порозни и повеќе подложни на кариес.
Производи кои содржат витамин D: млеко, риба, путер, жолчка и џигер.
За здрава и убава насмевка аптека ДНА Анни Фарм ви препорачува Waterpik ® орален туш. Револуционерен производ за одржување на оралната хигиена кој со помош на пулсирачкиот воден притисок ги отстранува бактериите и остатоците од храната кои се навлезени длабоко меѓу забите и на рабовите од непцата, односно на места кои се тешко достапни за класичната четка за заби и забниот конец. Масажата на непцата со воден притисок ја стимулира циркулацијата на крвта што ги прави непцата поздрави и посилни. За само 14 дена, ја подобрува нивната состојбата, загарантирано!
