Посакајте му добредојде на новиот член во семејството

Бременоста е состојба која може да биде причина за се почест кариес и воспалени непца. Заради тоа за здрава и безгрижна бременост се неопходни редовните посети на стоматолог.

Во народот постои погрешно мислење дека секоја бременост ја чини мајката по еден заб. Верувањето за ова е дека кај мајката се зголемува потребата за калциум во организмот па тоа доведува до намалување на калциумот во забите. Мајката има зголемена потреба, но калциумот во забите е во облик кој оневозможува после никнувањето на забите тој да се извлече од нив т.е. тој процес е неповратен.

Направени се бројни испитувања но научно нема потврден доказ дека бременоста е причина за почеста појава на кариес.

Сепак во бременоста постојат повеќе фактори на кои треба да се обрати посебно внимане за одржување на здрави заби. Со зачетокотот на бременоста започнува раст на нов организам, кој доведува до период со многу телесни и хормонални а со тоа и душевни промени во телото на мајката.

Ако кариесот во бременоста се зголемува, се смета дека тој е послеица од промена на киселоста во плунката, воспалението на гингивите како и формирањето на чепови. Сето ова предизвикува создарвање на забни плаки, а исхраната со слатка, кисела и зачинета храна создава причина повеќе за појава на кариес.

Затоа пораката аа секој иден родител е превенција и санирање на сите проблеми од делот на стоматологијата, се со цел да му посакаме добредојде на новиот член во семејството со здрави и убави насмевки.