Возрасни и адолесценти на возраст над 16 години Вообичаената дневна доза за ослободување од болка се движи во опсег од 550 mg (1 таблета) до 1100 mg (2 таблети). Почетната доза е 550 mg, а потоа се земаат дози од 275 mg (½ таблета) на секои 6 до 8 часа. Ако добро ги поднесувате ниските дози и немате заболувања на желудникот и цревата, може да ја зголемите дневната доза до 1650 mg (3 таблети) за многу силна болка, но не подолго од две недели. За намалување на покачената телесна температура, земете почетна доза од 550 mg, а потоа дози од 275 mg на секои 6 до 8 часа. За спречување на мигренозни главоболки, се препорачува доза од 550 mg два пати на ден. Ако честотата, интензитетот и времетраењето на мигренозните главоболки не се намалат во рок од четири до шест недели, престанете да го земате лекот. За терапија на мигренозни главоболки земете 825 mg (1 и ½ таблета) при првите знаци на евентуалниот напад, а потоа земете уште една доза од 275 mg до 550 mg по 30 минути, доколку е потребно. За олеснување на менструални болки и грчеви, болка по ставање на интраутерина направа и други болки, препорачана почетна доза е 550 mg, проследена со дози од 275 mg на секои 6 до 8 часа. При акутни напади на гихт, почетната доза е 825 mg, проследена со доза од 550 mg по 8 часа, а потоа се земаат дози од 275 mg на секои 8 часа, се додека не помине нападот. При ревматоиден артритис, артроза и анкилозен спондилитис, вообичаената почетна доза се движи од 550 mg до 1100 mg, поделени на една утринска и една вечерна доза. Ако имате тешки болки во текот на ноќта или тешка утринска вкочанетост, ако се префрлувате од големи дози на други против-воспалителни лекови на напроксен натриум или ако имате артроза каде што болката е главен симптом, почетната дневна доза треба да биде од 825 mg до 1650 mg. Продолжете ја терапијата со дневни дози од 550 mg до 1100 mg, кои е најдобро да се поделат на две дози. Утринската и вечерната доза не мораат да бидат еднакви по големина. Прилагодете ги според знаците што преовладуваат, односно болки во текот на ноќта или утринска вкочанетост. Кај некои пациенти е доволна и една дневна доза, земена навечер или наутро. Деца Лекот Налгесин форте не треба да се употребува кај деца на возраст до 16 години. Постари лица Лекот Налгесин форте треба да се користи во минималната ефикасна доза.
Brand
Крка
