DRAMINA/5 x 50mg таблети

Што е Dramina и за што се користи
Дименхидринат е антихистаминик.

Драмина се употребува за:
– превенција на мачнина, повраќање и/или вртоглавица поврзани со болеста на движење.
– превенција и третман на мачнина и повраќање од друга причина (освен во случај на земање на антинеопластичен лек).

Пред да почнете да го користите Dramina:
Немојте да земате Dramina
– ако сте алергични на дименхидринат или друга компонента на лекот.

Бидете внимателни со Драмина

Информирајте го својот доктор ако имате некоја хронична болест, метаболно нарушување, ако сте преосетливи или ако земате други лекови.

Драмина треба внимателно да се употребува кај болни со конвулзии, како и кај оние кај кои антихолинергичното дејство на дименхидринатот може да ја влоши основната болест (глауком на затворен агол, хипертрофија на простата, бронхијална астма). Дименхидринатот може да ги замаскира симптомите на ототоксичност, заради што е потребно посебно внимание при истовремена употреба со ототоксични лекови.

Како се употребува Драмина
Следете ги инструкциите!

Превенција
Најмалку 30 минути пред планираното патување или употреба на лек што тешко се поднесува:
– возрасни и деца постари од 14 години: 50-100 mg (1-2 таблети),
– деца на возраст од 5-14 години: 25-50 mg (1/2 -1 таблета).
Ако има потреба дозата може да се земе повторно, на секои 4-6 часа.

Мачнина и повраќање
Возрасни и деца постари од 14 години: 50-100 mg (1-2 таблети), на секои 4-6 часа ако има потреба, но не повеќе од 400 mg на ден
Деца на возраст од 5-14 години: 25-50 mg (1/2 -1 таблета), на секои 4-6 часа ако има потреба, но не повеќе од 150 mg на ден.

Кај постари лица лекот треба да се употребува во најниската препорачана доза за возрасни, бидејќи тие се осетливи на антихолинергичното дејство на лекот.

Лекувањето треба да биде што пократко.

Лекот може да се земе независно од земањето на храна. Таблетите треба да се проголтаат со доволна количина на течност (пр. со вода).