Helicobacter Pylori тест за детекција на инфекција со хеликобактер

Што е Хеликобактер пилори?

Хеликобактер пилори е еден вид грам-негативна спирална бактерија од родот Хеликобактер која живее во нашиот стомак. Инфекцијата со H. pylori е најчестата хронична инфекција , се шири низ целиот свет и се смета дека повеќе од 70% од населението во светот во развој е инфицирано. Најголемиот дел од инфекциите се стекнуваат за време на детството, а потоа по долги години предизвикуваат промени на слузницата на стомакот. Поради можноста за настанување на малигни промени кај луѓе инфицирани со оваа бактерија класифицирана е како канцероген од класа 1.

Што може да предизвика инфекцијата со оваа бактерија?

Повеќе од 80% од луѓето заразени со бактеријата немаат знаци на инфекција. Инфекцијата со поагресивни соеви на бактеријата, нивниот прекумерен раст и присуство на дополнителни фактори (нездрава исхрана, пушење, алкохол, одредени лекови и стрес) може да доведе до разни проблеми и некои сериозни болести. Откриено е дека H. pylori е главна причина за хронични заболувања на гастричната слузница и гастрични и дуоденални улкуси.  Исто така е поврзано со развој на рак на желудник и гастричен лимфом МАЛТ.

Кои се симптомите?

Повеќето заразени луѓе немаат никакви проблеми , така што тие дури и не знаат дека се заразени. Кај околу една петтина од заразените, бактеријата предизвикува здравствени проблеми. Најчести се болки во стомакот, надуеност особено по јадење, гадење, повраќање, губење на апетит и последично губење на телесна тежа и проблеми со варењето.

За кого се препорачува тестирање?

Тестирањето за H. pylori е особено препорачливо за секој кој има периодични проблеми со стомакот или дебелото црево. Роднините на пациентите од прва класа со рак на желудник, пациенти со анемија со недостаток на железо без позната причина и пациенти со недостаток на витамин Б 12, исто така, треба да се тестираат за присуство на бактеријата. На луѓето кои се на долготрајна терапија со аспирин или НСАИД (нестероидни антиинфламаторни лекови) исто се препорачува тестирање. Тоа е така поради можноста за крварење од улкуси.

Во последните години се повеќе се зборува за скрининг тестирање за присуство на оваа инфекција кај млади луѓе. Кај нив промените на слузницата се се уште реверзибилни. Смислата на ваквото тестирање потекнува од фактот дека ракот на желудникот е 5ти најчест рак во светот, а во државите со повисока преваленција на инфекција со Хеликобактер ракот на желудник е уште почест. Се смета дека околу 89% од пациентите со рак на желудник имаат инфекција со Хеликобактер, а како додатен фактор кој игра улога во стратегијата за скрининг е и фактот што ракот на желудникот најчесто се открива кога е во напредна фаза.

Heli-C-CHECK брз тест за детекција на инфекција со хеликобактер – H.Pylori за домашна употреба за да се открие присуство на антитела на Helicobacter pylori во целата крв. Heli-C-CHECK брз тест за инфекција со хеликобактер е наменет како помош во дијагнозата на инфекција со Helicobacter pylori. Дијагнозата мора да ја потврди лекарот.

Резултатите може да се прочитаат во рок од 10 минути

Heli-C-CHECK тест за инфекција со хеликобактер – Аптека ДНА Анни Фарм (annifarm.com.mk)