Блог
Уринарни инфекции
Јун
Уринарните инфекции, по респираторните, претставуваат најчести воспаленија предизвикани од бактерии. Здравата урина е стерилна, а инфекцијата се појавува кога ќе се размножат бактерии кои продираат во уринарните патишта од површината на телото и од цревата. Самото навлегување на бактериите во мочниот меур не значи и појава на болест бидејќи ако мокрењето е нормално, а количината на бактерии мала, тие ќе се исфрлат преку урината. Ако нема редовно празнење на мочниот меур, ако организмот е со намален имунитет, исцрпен од некоја друга болест или е под стрес – бактериите се размножуваат и се појавува инфекција.
Симптоми на уринарна инфекција
Најчести симптоми се: зачестено и болно мокрење, заматена урина, чувство на печење во мочниот канал, урина со непријатен мирис, крв во урина, притисок и напнатост во пределот на мочниот меур или во долниот дел на стомакот.
Доколку инфекцијата се прошири на бубрезите и не се започне со лекување на време, може да се јави и болка во слабинскиот дел од грбот, покачена температура, мачнина, изнемоштеност, повраќање, треска. Појавата на крв во урина, особено без болки, може да укаже на некои други болести на урогениталниот тракт, па пациентот задолжително се упатува на уролог за дополнителна дијагностика
Дијагноза за уринарни инфекции
Лабораториска анализа на крв и урина, микробиолошка анализа на урина и ехо на уринарниот тракт
Третирање на уринарни инфекции
Лекарите вообичаено ги третираат хроничните уринарни инфекции со различни типови антибиотици. Иако најчесто антибиотската терапија трае 7 дена, неретко се препорачуваат мали дози антибиотска терапија, на подолг рок да се спречи повторување на инфекцијата. Препорака за почеток на третман под котрола на лекар има и во превенција по првичните најмали симптоми кај пациентите со висок ризик фактор за уринарни инфекции.
Превенција на уринарни инфекции
Жените можат да ја намалат можноста за појава на инфекции со правилно бришење на анусот после празнење на цревата – од напред кон назад, треба да се пијат осум чаши вода на ден и да се уринира на секои 2 – 4 часа, пиење вода пред и по сексуален однос, внимавање на хормонски баланс, доволен внес на Витамин Ц, избегнување на многу тесна долна облека.
Препорака на Аптека Анни Фарм доколку имате проблем со уринарни инфекции – UroCist – Уроцист содржи уникатна комбинација од мечкино грозје, брусница, Д-маноза и бета-глукани за третирање и превенција на најчестите уринарни инфекции – циститис.
