Посета на стоматолог во бременост

Постои погрешно уверување дека стоматолошките интервенции за време на бременост се штетни. Бремената жена ретко оди на редовни контроли кај стоматолог, најчесто заради окупираноста со нејзината нова состојба како идна мајка.

1. Кога треба трудница да посети стоматолог?

• Посетете стоматолог уште пред бременоста. Редовните превентивни прегледи, совети и третирање на забниот кариес, наслаги најдобро ја штитат трудницата од сите можни идни компликации. 

2. Дали трудниците смеат да имаат стоматолошки третман?

• Секој расипан заб или било каков процес смее и мора да се третира. Постојат безбедни третмани по здравјето на мајката и плодот.

3. Дали трдници за време на бременост смеат да вадат заби?

• Секој заб кој постои опасност да го загрози животот на мајката и плодот, најдобро е да се извади. Секако неопходна е консултација помеѓу гинекологот и стоматологот кои ја проценуваат неопходноста на интервенцијата.

4. Дали трудниците смеат да се изложат на рендген зраци?

• Постојат безбедни рендген апарати, но пожелно е снимањето да се направи по изминување на првите 12 недели од бременост.

5. Дали е дозволена употреба на антибиотици кај трудници?

• За употреба на антибиотик мора да постои оправданост, која ќе биде потврдена од страна на гинеколог и стоматолог каде што е добро проценета неопходноста и несаканите ефекти од истиот.

За здрава и убава насмевка ве советуваме – навреме посетете го вашиот стоматолог!!!