Што претставува хиперпигментација и како да ја третираме?

Хиперпигментациите претставуваат пореметувања во пигментацијата на кожата кои особено во сончевиот период од годината стануваат вистински проблем за лицата кои ги имаат.

Во основата на настанување на хиперпигментациите лежи или зголемен број на меланоцити или пак нивна зголемена функција со зголемена продукција на пигмент. Тие можат да бидат наследни или пак стекнати, локализирани или генерализирани.

Меланинот е всушност она што го одредува нашиот тен, т.е. пигментација на кожата. Тогаш кога имате повеќе меланин, вашата кожа е потемна. Затоа тие места на површината изгледаат потемни од кожата што ги опкружува.

Но, ова не значи дека хиперпигментацијата вклучува само темни, кафени дамки. Напротив, овој феномен вклучува случаи на промена на бојата на кожата кои се манифестираат во форма на црвени, розеви или виолетови дамки или цели ленти на кожата.

Типично, хиперпигментацијата не е ниту болна ниту опасна. Како и да е, многу страдаат од кафени дамки на нивната кожа. Нарушувањето на пигментацијата може да се појави низ целото тело, но е претежно видливо на лицето, задниот дел на раката, деколтето или рацете. Тие можат да имаат различни големини и форми во зависност од причината заради која се појавиле.

Хиперпигментацијата се јавува поради претерано создавање на пигментот меланин, а тоа може да го предизвикаат разни фактори, како што се:

• Изложеност на сонце (меланинот ја штити кожата од претерано влијание на сончевите зраци, а во шпицот на сончевата активност организмот не може да се избори со оваа функција и го создава во преголеми количества);
• Хормонски дисбаланс – дамките се јавуваат и како резултат на консумирање лекови што содржат хормони (поттикнуваат претерано создавање меланин);
• Земањето лекови (на синтезата на меланинот влијаат антибиотици, средства за хемотерапија, лекови против маларија, антиконвулзиви и други лекови)
• Загадениот воздух (издувните гасови од автомобилите се оние кои продираат во подлабоките слоеви на кожата и го оштетуваат околното ткиво поттикнувајќи создавање на слободни радикали кои водат до неизедначен тен.

Препорака на Аптека ДНА АННИ ФАРМ за нега на хиперпигментација е линијата Pigmentbio од медицинската козметика BIODERMA

BIODERMA Pigmentbio C-Concentrate 15ml