Блог
ПРИЧИНИ ЗА ПОЈАВА НА АКНИ
22
Дек
Дек
Кои причини доведуваат до појава на акни? Зошто некои луѓе се склони кон акни, додека други не се? Постојат неколку фактори за развој на акни и тоа:
- Активни лојни жлезди. Лојните жлезди создаваат себум или масло, потребни за подмачкување на површината на кожата. Оние кои се подложни на акни имаат лојни жлезди кои произведуваат повеќе себум отколку што е потребно. Во основа вака масна кожа е одлична средина за развој на бактериите кои се одговорни за појава на воспалени акни.
- Десквамација (лупење) на површинскиот слој во изводните канали на лојните жлезди, што доведува до затнување на лојната жлезда и неможност за излегување на лојта на површината на кожата. Вишокот на маснотии од кожата треба да се излачува преку нејзините пори, но порите понекогаш се блокирани од фоликулите на влакното, нечистотии и мртви клетки. Овие нечистотии во комбинација со вишокот себум можат дополнително да ги затнат порите и така да предизвикаат појава на акни.
- Хормони. Андрогените хормони ги поттикнуваат лојните жлезди засилено да лачат маснотии. Момчињата и девојчињата во пубертет кои поминуваат низ драматични хормонални промени се особено подложни на појава на акни.
- Исхрана. Исхраната која содржи многу блага, пржена или процесирана храна, може да го влоши проблемот со акните.
- Стрес. Стресот го поттикнува телото да произведува одредени хормони и да го зголеми нивото на токсини во телото, што може да предизвика појава на акни.
- Лекови. Некои лекови кои содржат состојки како бромид, литиум, кортикостероиди и слично, е докажано дека предизвикуваат акни. Овие лекови не треба да се користат истовремено со лекови против акни.
- Облека. Тесни капи, заштитни шлемови, тешки прерамки на торби или маици тесни околу вратот, ја изложуваат кожата на притисок и предизвикуваат триење. И облека направена од материјали кои не ѝ дозволуваат на кожата да диши, исто така може да предизвика појава на акни.
- Лоша нега на кожата. Триење, копање, стискање или кое било друго лошо чистење на кожата само ќе го влоши проблемот со акните.
- Фактори од околината. Загадениот воздух, влагата и сонцето можат негативно да влијаат на кожата и да предизвикаат проблем со акни.
- Гени. Акните можат да бидат наследни.
Препорака на Аптека ДНА АННИ ФАРМ за нега на кожа со акни е линијата HYSEAC од
медицинската козметика URIAGE
URIAGE HYSEAC – Аптека ДНА Анни Фарм (annifarm.com.mk)
