Блог
ВАЖНОСТА НА ПРАВИЛНАТА ТЕХНИКА НА ЧЕТКАЊЕ НА ЗАБИТЕ
Јун
Како што веќе знаеме, за здрави заби неопходно е нивно редновно четкање и тоа најмалку два пати дневно- наутро и навечер. Но, како да знаете дали забите се добро исчеткани?
Забите се мијат и навечер, непосредно пред легнување. Миењето навечер е исклучително важно и секако, после четкањето никако не смее да се внесува храна.
Покрај изборот на соодветна четка за заби и паста за заби, неопходно е да се примени и правилна техника на четкање.
Правилната техника на четкање значи: половина од влакната на четката да ги поставиме на забите, половина на непцата, насочувајќи ги кон гингивалниот сулкус (просторот помеѓу работ на непцето и забот) и четкаме со мали кружни движења без притисок. Само на овој начин ќе го отстраниме денталниот плак целосно и правилно од тешко достапните места како што е гингивалниот сулкус. Ги четкаме сите заби и сите нивни површини без исклучок. Четкаме се додека забите не бидат целосно чисти.
При изборот на четка за заби внимаваме таа да е со мала глава, густо распоредени меки влакна кои нема да ја повредат гингивата и емајлот на забот и ќе бидат истовремено нежни и ефикасни. Четките на Curaprox ги имаат сите наведени карактеристики.
Интерденталните четкички се идеални за секојдневна употреба, за чистење на најтесните интердентални простори и се неопходни за правилна хигиена и превентива од кариес и парадентопатија.
Аптека ДНА АННИ ФАРМ и Стоматолошка Ординација Др НИНА ве советуваат за повеќе насмевки со здрави и убави заби
За информации посетете ја нашата онлајн аптека https://www.annifarm.com.mk/
