РЕШЕНИЕ ЗА ТОПЛИТЕ ДЕНОВИ

Топлите летни денови носат дополнителни проблеми за сите кои имаат долга коса, но тоа, секако, не е причина да се откажеме од неа.

Наједноставниот начин за решавање на проблемите со кои се соочуваат жените со долга коса во текот на летните месеци се состои во врзување на косата во опавче. Меѓутоа, на подолги стази ова решение може да предизвика одредени несакани последици, како опаѓање на косата и појава на главоболка и вкочанетост на вратот. За среќа, постои и друго едноставно решение – употреба на венче. Овој малечок и лесен изум ни помага во отстранување на непослушните прамени од лицето и челото и го олеснува поднесувањето на летните горештини. Доколку сакате ова лето да ви биде обележано со весели и цветни мотиви, ви предлагаме самостојно да изработите уникатно цветно венче.

Што сè ни е потребно?

Со малку добра волја, непречена креативност и вешти раце, неопходно е и да имате пиштол за лепење. Венче веројатно веќе имате, иако не е проблем да се набави ново во боја која ви одговара. Потребни ви се и ножички и разнобојни вештачки цветови. Можете да користите и природно цвеќе, но така направениот украс има краток век на траење кој дополнително се скатува под влијание на топлината.

Како да направите цветно венче?

Дршките од цветчињата овде не се потребни, така што треба да се отстранат со помош на остри ножички. На така подготвеното цветче, нанесете капка лепило од задната страна. Залепете го цветчето на венчето од горната страна. Водете сметка лепилото да не ги оштети ливчињата од цветот. Ви препорачуваме со лепењето да почнете од средина на венчето кон краевите, така ќе избегнете ситуација во која цветовите не се рамномерно распоредени долж венчето. Во оваа фаза од изработката трпението е најважен збор. Кога ќе станете малку повешти, сè ќе се одвива далеку побрзо.

Дополнителни совети

Една од предностите на употреба на пиштол за лепење е што стврднатото лепило релативно лесно ќе се отстрани. Тоа во превод значи дека истото венче може да послужи како носач за различни цветни аранжмани. Кога ќе ви здодее една комбинација на цветчиња, едноставно ќе ја замените со друга. Вака направените украси се сè попопуларни и како задолжителен детаљ на моминските вечери и венчавките. Имаме уште еден совет за вас кој се однесува на задолжителна употреба на заштитни препарати кои вашата кожа ќе ја сочуваат од штетното дејство на сонцето. Пијте доволно течности и уживајте во креативните летни денови.

Напишете коментар

Вашата адреса за е-пошта нема да биде објавена. Задолжителните полиња се означени со *

mk_MKМакедонски јазик
en_USEnglish mk_MKМакедонски јазик